Evrópumót golfklúbba í kvennaflokki hófst í dag. Mótið fer fram á Green Resort Hrubá Borša golfvellinum í Slóvakíu dagana 2.-4. október.
Golfklúbburinn Keilir varð Íslandsmeistari golfklúbba 2025 eftir ótrúlegan úrslitaleik fyrr í sumar, og vann sér með því þátttökurétt í mótinu. Alls eru 19 golfklúbbar skráðir til leiks.
Þrír leikmenn eru í hverju liði. Keppt er í höggleik og tvö bestu skorin telja í hverri umferð, en leiknar verða 54 holur í mótinu.
Elva María Jónsdóttir, Anna Sólveig Snorradóttir og Fjóla Margrét Viðarsdóttir skipa lið GK. Guðrún Brá Björgvinsdóttir er einnig á staðnum sem þjálfari og liðsstjóri, en hún var einnig í sigursveit GK í sumar. Einungis áhugakylfingar geta tekið þátt í mótinu.
Smelltu hér fyrir stöðu mótsins
