Fyrsta mót Unglingamótaraðarinnar fór fram í Þorlákshöfn dagana 23.-25. maí.
Kristján Karl Guðjónsson úr Golfklúbbi Mosfellsbæjar stóð uppi sem sigurvegari mótsins, en hann lék hringina þrjá á tuttugu og einu höggi undir pari. Kristján lék á 65, 64 og 66 höggum og var tuttugu og þrjá undir pari fyrir lokaholuna. Ótrúlegt mót hjá Kristjáni, sem setti með þessu met á Unglingamótaröðinni.
Kristján var jafn með flesta fugla allra kylfinga, eða nítján talsins. Þá var hann einnig með flesta erni (4) og enginn kylfingur tapaði færri höggum í mótinu. Kristján var með besta meðalskorið á par 3 (2.87), par 4 (3.71) og par 5 (4.2) holum Þorláksvallar. Magnaður árangur hjá þessum efnilega kylfingi, sem var ellefu höggum á undan næsta manni.
Hjalti Kristján Hjaltason, GKG, endaði annar á tíu höggum undir pari. Hjalti lék hringina þrjá á 68, 68 og 70 höggum. Landsliðskylfingurinn fékk sextán fugla í mótinu og tapaði einungis sex höggum, og var jafn Kristjáni með fæst töpuð högg í mótinu.
Jafnir í þriðja sæti voru þeir Máni Freyr Vigfússon og Halldór Jóhannsson, báðir úr GK, á níu höggum undir pari.
Frábæru fyrsta móti mótaraðarinnar er lokið, þar sem efstu átta kylfingar piltaflokksins enduðu undir pari. Næsta mót fer fram í Mosfellsbæ dagana 30.-31. maí, sjáumst þar.
