Powerade-mót Golfklúbbs Þorlákshafnar hefst laugardaginn 6. júní á Þorláksvelli. Leiknar verða 54 holur á tveimur keppnisdögum, þar sem 36 holur eru leiknar á laugardegi og 18 holur á sunnudegi.
Smelltu hér fyrir rástíma og stöðuna
Í karlaflokki eru 67 keppendur. Meðalforgjöfin er +0.77, lægsta forgjöfin er +5.6 og hæsta forgjöfin er 5.4. Í karlaflokki er 41 kylfingur með 0 eða lægra í forgjöf.
Þrettán efstu kylfingar stigalistans eru á meðal keppenda mótsins. Þar á meðal er Aron Snær Júlíusson, sem hefur unnið fyrstu tvö mót tímabilsins. Aron hefur leikið frábært golf í sumar og stefnir á þriðja sigurinn í Þorlákshöfn.
Sigurður Bjarki Blumenstein vann á Þorláksvelli síðasta sumar, þegar hann lék tvo hringi mótsins á ellefu höggum undir pari. Hann er á meðal keppenda um helgina, ásamt Tómasi Hjaltested, sem þá varð annar.
Í kvennaflokki eru fjórtán keppendur. Meðalforgjöfin er 0.15, lægsta forgjöfin er +3.7 en sú hæsta er 5.2.
Perla Sól Sigurbrandsdóttir leikur í sínu þriðja móti í röð, en hún vann fyrsta mót sumarsins og varð önnur á heimavelli í síðustu viku.
Fjóla Margrét Viðarsdóttir og Eva Kristinsdóttir verða báðar á meðal keppenda um helgina, en þær hafa báðar verið í verðlaunasæti í fyrstu tveimur mótunum.
Perla og Fjóla hefja leik kl. 08:40 á 1. teig ásamt Elsu Maren Steinarsdóttur, GL. Þetta er fyrsta mót Elsu á mótaröðinni í sumar, en hún varð önnur á stigalista kvenna síðasta sumar.
Keppendur eru alls 81, og koma þeir frá 15 klúbbum víðsvegar af landinu.
GR á þar flesta kylfinga eða nítján alls. GKG kemur þar á eftir með sextán keppendur, og GM sendir tólf. Átta klúbbar eru með keppendur í bæði kvenna- og karlaflokki.
| Golfklúbbur | Karlar | Konur | Samtals |
|---|---|---|---|
| Golfklúbbur Reykjavíkur | 16 | 3 | 19 |
| Golfklúbbur Kópavogs og Garðabæjar | 14 | 2 | 16 |
| Golfklúbbur Mosfellsbæjar | 10 | 2 | 12 |
| Golfklúbbur Selfoss | 6 | 1 | 7 |
| Golfklúbbur Suðurnesja | 4 | 1 | 5 |
| Golfklúbburinn Keilir | 3 | 2 | 5 |
| Golfklúbburinn Leynir | 3 | 1 | 4 |
| Nesklúbburinn | 3 | 0 | 3 |
| Golfklúbbur Akureyrar | 1 | 1 | 2 |
| Golfklúbbur Álftaness | 2 | 0 | 2 |
| Golfklúbbur Ísafjarðar | 2 | 0 | 2 |
| Golfklúbbur Bolungarvíkur | 1 | 0 | 1 |
| Golfklúbbur Borgarness | 1 | 0 | 1 |
| Golfklúbburinn Oddur | 0 | 1 | 1 |
| Golfklúbbur Öndverðarness | 1 | 0 | 1 |
| Samtals | 67 | 14 | 81 |
